English version here

An Ghaeilge:

An tIdirlíon agus Ríomhaireacht

Tá liosta cuimsitheach de na suímh ghréasáin Ghaeilge le fáil ar an dá shuíomh seo:.

An tEolaire, 'Leathanaigh Bhuí na Gaeilge'
www.egt.ie/lghlin/eolaire.html

Gaeilge ar an Ghréasán
www.smo.uhi.ac.uk/gaeilge/gaeilge.html

Gaelport
Suíomh cuimsitheach de chuid Chomhdháil Náisiúnta na Gaeilge ar a bhfuil eolas faoi imeachtaí i saol na Gaeilge. Is féidir leat clárú anseo don nuachtlitir a sheolann an Chomhdháil amach gach coicís.
Tá fáil ar Gaelport ag: www.gaelport.com
Seoladh: Comhdháil Náisiúnta na Gaeilge, 46 Sráid Chill Dara, Baile Átha Cliath 2
Guthán: (01) 679 4780
Facs: (01) 679 0214
Ríomhphost: eolas@gaelport.com


Gaelic-L
Tá liostaí ríomhphoist ann do dhaoine atá ar bheagán Gaeilge (Gaelic-B) agus dóibh siúd a bhfuil Gaeilge níos líofa acu (Gaelic-L). Scríobhann daoine atá páirteach sna grúpaí seo teachtaireachtaí chuig a chéile agus bíonn eolas le fáil sna teachtaireachtaí a sheoltar faoi nith e atá ag tarlú sa Ghaeilge. Tá Gaelic-L agus Gaelic-B le fáil ag: www.smo.uhi.ac.uk/liosta


Intercelt
Tá móran eolais ar an suíomh seo faoi laethanta saoire agus imeachtaí cultúrtha in Éirinn a bhfuil baint acu leis an teanga agus leis an gcultúr Gaelach. Tugtar eolas ann faoi réimse leathan toipicí: foghlaim na Gaeilge ag gach leibhéal i mBaile Átha Cliath agus ar fud na tíre; ceol; féiltí cultúrtha; logainmneacha; sloinnte; amhránaíocht agus rince. Tá clár plé ann freisin inar féidir leat do chuid tuairimí a thabhairt agus is féidir eolas a fháil in iris mhíosúil freisin. Is féidir teacht ar Intercelt ag www.intercelt.com/


EGT
Comhlacht foilsitheoireachta agus ríomhaireachta é EGT, atá ag cur tacaíochta ar fáil do lucht mionteangacha ó 1990 i leith. Tá Gaeilge curtha ag an gcomhlacht ar earra bog Apple Macintosh (tá gach rud a fheiceann tú ar an scáileán as Gaeilge, orduithe, teachtaireachtaí earráide agus cabhair ar líne san áireamh); Claris Works 4.0 agus MacWrite Pro 1.5GÉv3. Tá fáil ar earra bog Claris EGT ó ghnáthdhíoltóirí Apple. Tá fáil ar chlóanna Gaelacha ó EGT freisin, clófhoirne Oghaim san áireamh. Tá cluichí ríomhaireachta as Gaeilge le fáil uathu freisin (is féidir iad a fheiceáil ar an suíomh idirlín thíos).
Seoladh: 15 Port Chaeimhghein Íochtarach, Baile Átha Cliath 2
Ríomhphost: everson@egt.ie
Suíomh gréasáin: www.egt.ie


Fios Feasa
Bunaíodh Fios Feasa i nGaeltacht Chorca Dhuibhne i 1997 chun earraí ilmheánacha a sholáthar a chuirfeadh cultúr agus teanga na hÉireann i láthair ag baint úsáide as an teicneolaíocht is déanaí.
Seo thíos cuid de na dlúthdhioscaí atá curtha ar fáil ag an gcomhlacht - is féidir iad a ordú ar an suíomh idirlín.

  • An Chéad Choiscéim
    Dlúthdhiosca atá oiriúnach do pháistí atá ag foghlaim na Gaeilge. Cuireann Oscar agus Órla Ochtapas céad focal coitianta i láthair le pictiúir ghleoite, cartúin agus taifead de chainteoirí dúchais (do rogha féin de na trí phríomhchanúintí). Léirítear úsáid na bhfocal in abairtí simplí, agus tá dathanna, uimhreacha, litriú, cluichí agus gníomhaíochtaí eile ann freisin.
  • Drochlá Ruairí
    Dlúthdhiosca idirgníomhach bunaithe ar an leabhar cáiliúil do pháistí le Colmán Ó Raghallaigh agus anam curtha ann le léaráidí geala gleoite Anne Marie Carroll. Tá cluichí maithe do pháistí ar an dlúthdhiosca seo freisin.
  • Seanfhocail
    Dlúthdhiosca dátheangach de 501 seanfhocal agus seanráite. Tá eolas dátheangach ann freisin faoi ghramadach na Gaeilge.
  • An Bíobla Naofa
    Dlúthdhiosca le téacs iomlán an Bhíobla.

Seoladh: Maitias Mac Cárthaigh, Eastát Tionsclaíochta Bhaile na Buaile, An Daingean, Co. Chiarraí
Guthán: (066) 915 2465
Facs: (066) 915 2492
Ríomhphost: post@fiosfeasa.com
Suíomh gréasáin: www.fiosfeasa.com


An Fáinne Órga
Seo liosta de nascanna chuig leathanaigh lín Ghaeilge agus is féidir le haon dream le leathanach lín Gaeilge nasc a chruthú leis an suíomh. Is féidir teacht ar an suíomh ag: www.fainne.org

 

    Barr an leathanaigh