Eolas faoi
Foras na Gaeilge

Eolas faoi Beo!

Foras na Gaeilge

Is é Foras na Gaeilge an eagraíocht nua atá freagrach as cur chun cinn na Gaeilge ar fud oileán na hÉireann. I gComhaontú Aoine an Chéasta luadh go mbunófaí Eagraíocht Forfheidhmithe Thuaidh/Theas chun an Ghaeilge agus an Ultais a chur chun cinn. Faoi choimirce an chomhlachta sin, comhlíonfaidh Foras na Gaeilge na freagrachtaí sonraithe ar fad maidir leis an nGaeilge.
 
  Is iad seo na dualgais atá ar Fhoras na Gaeilge:

• an Ghaeilge a chur chun cinn;
• úsáid na Gaeilge a éascú agus a spreagadh sa chaint agus sa scríbhneoireacht sa saol poiblí agus sa saol príobháideach sa Deisceart, agus i dTuaisceart Éireann mar a mbeidh éileamh cuí ann;
• comhairle a thabhairt don dá lucht riaracháin, do chomhlachtaí poiblí agus do ghrúpaí eile san earnáil phríobháideach agus dheonach;
• tionscadail tacaíochta a ghabháil de láimh, agus cúnamh deontais a thabhairt do chomhlachtaí agus do ghrúpaí de réir mar a mheasfar is gá;
• taighde, feachtais tionscnaimh, agus caidreamh poiblí agus caidreamh leis na meáin, a ghabháil de láimh;
• téarmaíocht agus foclóirí a fhorbairt;
• tacú le hoideachas trí mheán na Gaeilge agus le múineadh na Gaeilge. 

Cuireann an Foras Teanga an uimhir 1850 325 325 ar fáil ar chostas glao áitiúil chun fiosruithe ar aon ghné den Ghaeilge a fhreagairt.Ba cheart do dhaoine i dTuaisceart Éireann glaoch ar an uimhir (0845) 309-8142.

Seoladh: 7 Cearnóg Mhuirfean, Baile Átha Cliath 2
Guthán: (01) 639-8400 nó1850 325 325 (ó Phoblacht na hÉireann amháin);
(0845) 309-8142 (ó Thuaisceart Éireann amháin).
Facs: (01) 639-8401
Ríomhphost: eolas@forasnagaeilge.ie
Idirlíon: www.gaeilge.ie

   Barr an leathanaigh

Foinse
 
Is nuachtán náisiúnta Gaeilge é Foinse a bhíonn ar fáil gach Satharn. Is ar an gCeathrú Rua i nGaeltacht Chonamara a fhoilsítear an páipéar. Cuireann Foinse meascán mór scéalta agus nuachta ar fáil go seachtainiúil idir nuacht náisiúnta agus idirnáisiúnta, chursaí reatha, spórt, thaisteal, ghnó, léirmheasanna agus oideachas, ag díriú ar óg agus aosta. Ceann de na haidhmeanna atá ag an nuachtán ná iriseoireacht d'ardchaighdéan a chur ar fáil atá taitneamhach le léamh.

Seoladh: Foinse, An Cheathrú Rua, Co. na Gaillimhe
Guthán: (091) 595520
Facs: (091) 595524
Ríomhphost: nuacht@foinse.ie
Idirlíon: http://www.foinse.ie

Barr an leathanaigh

     Barr an leathanaigh

FXB Castle Inn

Tá Sult ar siúl sa Bull and Castle (nó The Castle Inn, mar a tugadh air roimhe seo), Teampall Chríost, ó cuireadh tús leis an chlub i mí Dheireadh Fómhair 1999.

Tá an teach tábhairne sin lonnaithe i bhfoirgneamh atá thar a bheith stairiúil, foirgneamh inar chónaigh filí agus baill den chléir ag amanna difriúla trí na haoiseanna. Sna 1600í bhí sé i seilbh mhuintir Usher agus ceapadh duine den teaghlach sin ina Ardeaspag ar Ard Mhacha níos déanaí. I 1750, bhí teach pórtair ag seanathair an fhile Éireannaigh James Mangan ansin agus deirtear go raibh sé ar cheann de na chéad tábhairní i mBaile Átha Cliath a raibh Guinness ar díol ann.

Lenár linn féin, tá cáil fós ar an Bull and Castle mar áit fhileata. Sna 1960í, mar shampla, bhí clú na mbailéad ar an tábhairne agus sheinn go leor amhránaithe agus ceoltóirí mór le rá san áit, leithéidí Paddy Reilly, The Emmet Spiceland, The Young Folk, agus The Dubliners.

Tá sé oiriúnach go maith go mbeadh The Bull and Castle, áit a bhfuil oidhreacht chomh sainiúil sin agus stair chomh fada sin aici, anois mar chuid de thraidisiún eile – bialanna bia mhara agus stéige FXB. Tá cáil ar an chomhlacht seo as bia agus seirbhís den chéad scoth a chur ar fáil agus is féidir taitneamh a bhaint as an dá rud sin anois sa teach tábhairne oidhreachta seo ina bhfuil téama meánaoiseach.

Bain sult as an atmaisféar cairdiúil, as na seisiúin bheo bailéad agus as stéig agus bia mara a bhfuil neart duaiseanna bainte acu, agus pionta den phórtar dubh i do ghlaic agat, i gceartlár chathair ársa Bhaile Átha Cliath.

The Bull and Castle - ''Bia den scoth i gcroílár na cathrach''

Seoladh: The Bull and Castle, Teampall Chríost, Baile Átha Cliath 2
Guthán: (01) 475.1122
Facs: (01) 478.0663
Ríomhphost: castleinn@fxbrestaurants.com
Idirlíon: http://www.fxbrestaurants.com/cindex.html

    Barr an leathanaigh